2015年9月

太耐無同自己對話。

早排成日諗自己其實係咪可以做多少少野，有貢獻一d 對個世界，因為呢一年大多數影既野都真係有d 悶，除咗食物感興趣之外，其他都唔係自己想影既野。

回顧自己近年影相，係有少少進步，但點解仲係得一個客，雖然佢真係一個好好既客，(5星級酒店，自由度大，準時出票)，或者仲未遇到姐。

記得有次個AD 話GM 鐘意我既相，因為夠清新。算係有少少鼓勵。

呢3張係近排較為鐘意既相。

仲有，有位朋友開咗個展覽，題材係我之前有試過做，最後不了了之。

坦白講人地相好唔好，我唔敢評論，至少人地有做到，更加完成咗。而自己就得個講字。

諗返自己其實不嬲影相唔叻，亦無咩天份，自從獨立之後，生活都尚算可以，不過代表作仲未出現。成日都係得個想字，構思100分，執行力0分。

係時候要作出改變啦。