推介500年歷史葡萄牙皇家甜品 - 木糠蛋糕

早兩日同同事o係鴨利洲o既餐廳「寶善」影相，有新發現。o個到環境都ok，有d 似外國小店餐廳，主要o係食西餐為主，影到最後一道甜品，一個好大o既蛋糕，叫做木糠蛋糕，不嬲都幾鍾意食甜品，但佢個賣相真係無咩特別，白雪雪咁，無咩特別，不過入面好似好多餡。

之後影完大相，再叫廚師幫我地切開再影，但個廚師有d 冷言話我地影得慢，俾我感覺有d d 高傲。切完再加埋士多啤利，賣相當堂吾同晒，都幾吸引。影完之後，就要訪問埋廚師d 食物資料，原來呢o個木糠蛋糕大有來頭，有500幾年歷史，係葡萄牙皇家甜品，係香港好少人識整，蛋糕最少用30幾種配料做，除o左食落每淡都吾同味道之外，入口d 味都會慢慢轉變，非常過癮。

我試到有香蕉、樽子、咖啡、果仁、忌廉、可可、朱古力、仲有d 芝士同酒味。好奇追問之下，原來呢位廚師18歲已經o係葡萄牙皇家廚藝學院學廚，有幾十年經驗，提起葡萄牙御廚Fernando 就會有人識，難怪佢卑人感覺咁高傲啦，原來大有來頭。


今次呢個木糠蛋糕係三層，有30幾種配料，聽廚師講最勁有7層，可想而知d 配料可以有幾多，食呢種蛋糕都好有挑戰性，可以慢慢試下有咩料係入邊，幾鬼得意。