Rehearsal

今日返左學校幫手做rehearsal　，因為lcf o既人o黎睇下學校的環境和學生的程度，
所以我好榮幸被揀選為其中一個代表６１３４７，一齊做一個workshop，
而我係負責影相呢一part，雖然之前都知係影男仔，
但都係到左學校見到其他同學先知道影咩，所以整個shooting 係好短時間完成，
大約半個鐘要影好１５﹣２０張相，加埋retouch，我諗效果其實係吾錯，
不過我覺得一個image 要影１５﹣２０張相，而吾悶同埋張張好野，真係有d 難度，
而且要加埋concept，要好快地諗好，整個shooting direction。
之前睇左一d ref. 係richard avedon and hedi sliman，呢２位攝影師都係我好鐘意的，
我參考左佢地的手法，我會用簡單直接的lighting 去影，因為我覺得image 上已經好有impact,
所以我用一個白色bg 去影，出o黎效果都幾好，不過我諗黑白吾係太多人鐘意，
但我諗有d 野係要堅持的，如果你要我留一d 顔色o係個畫面到，我真係吾係太想，
因為我覺得有點learn ，呢個係my point of view ，it's not easy to fulfill everyone.

實戰 ﹣助手編

一早５點半起身出門，之後返到去studio，已經o係留下搬緊野入車，
上車去cwb - rent a pro 借野，去到攝影場地﹣south china morning 個building
set up d 野，就o黎左第一部跑車，雖然我吾識車d 野，不過都覺得幾有型o家車，
所有人都stand by , 開始影...

１７歲

17歲。女子高生監禁殺人

這是一套日本漫畫，十分之寫實，故事是講一個女學生被禁固，由犯案到結案
睇完之後覺得好沉重，就好像活生生的歷史，我絕對相信這樣的情節現實是發生過的，
好值得去睇，雖然結尾有點草草了事，不過我想不用放大一個傷口吧，
對我來說，我從來沒有想過去傷害一個人，所以我覺得我永遠不會明白加害者的心態，
這本故事沒有教人怎去犯案，只是講緊一個故事，有無興趣都值得去睇！

Grad show 2009

展覽發現有３張相片係自己影。

我地group 拎左vm award ，多謝各位good mate，另外sm仍然係好多謝你！
FISH 多謝你窩心的sms , 多謝你的幫助，多謝！
總算一個完美的句號！

多謝lit ! 多謝fish! 多謝rita! 多謝一班好朋友
呢次功課真係太太太獲益良多同辛苦啦，雖然我覺得係學習係應該辛苦。
影呢個project 試左４次，第一次test 吾得，第２次吾得，第３次吾得，
不過差不多啦，第４次去租studio 影，吾衰得，同一班好同學去，佢地亦都幫左我好多，
俾左好多鼓勵我。最後一次影出o黎效果比想像中差少少，但仍然可以補救，
最後全部相都完成，從曾經想過放棄，到完成，到print out 幾次都print 錯，
waste 左幾百蚊，雖然係幾百蚊，我resign 左份工，無收入，但係只差一步就會好好睇睇，
所以我都係決定再print 過，影響我呢個決定o既人，係我o既伯樂！錯過左一班巴士，
停一停諗真d ，原來我真係可以做到。而且做出o黎交功課個本書，吾失禮任何人，
咁大個仔最開心的一次！我亦都會記得自己因為自己未盡全力，而感到難過。
我投入做好左一件事了！挑戰再來啦！

將來我吾係學生啦，我要面對係一班有要求的人，如果再用以前踢一腳郁一郁就會死緊！

grad show

當日努力，得到今日的成果!


我會記住，付出先有回報！！！