南生圍

攝影戰友!

今天去了南生圍逛一逛，自從病了就沒有出街，已經有4天了，
4天都在家，真係令我發癲，病了最大的得意是我可以想了很多問題，
另外我可以看書，可以比平時更感受到Morrie 的感覺，一個病人真是不好受。

在南生圍的士多吃我的第一個餐，其實有些個問題，我係好想問一下拎住相機的人，
吾係Offensive 只係想問一問，和我本來的想法是否一樣，或者能改變到我，
"點解要影相?"　"點解會咁影?"
呢2問題係我最想問的，亦係我需要諗的，其實仲有一個"咩係攝影?"
真係好難答，不過我鐘意諗!
呢排鐘意睇書，因為可能會由書入邊搵到答案

Slumdog Millionaire

John Lee Hooker

我聽歌o既周期真係愈來愈快，早２日都仲係搵緊d house music 聽，
今日就已經鐘意聽blues啦，音樂係人生中最重要的。
成日都病，頂....

玩一晚，病２日

前晚去完單暉屋企玩之後，第二日就病左，不停訓，
到左夜晚發冷加發夢，發夢我因為咩住３個人而郁吾到，
真係病到hihi ，年年新年都會病，差在係小病定係大病，
不過亦因為病，我得到很多時間去休息。
呢幾日睇緊　"相約星期二" 　當中Morrie 有一句我覺得太值得我去記下來!

"許多人過著沒有意義的生活。即使當他們在忙一些自以為重要的事情時，他們也顯得昏昏庸庸。
這是因為他們在追求一種錯誤的東西。你要使生活有意義，你就得獻身於愛，獻身於你周圍的群體，去創造一種能給你目標和意義的價值觀。"

新年快樂

"攝影是一張通行証，可以去我想去的任何地方，去做我想做的任何事" Diane Arbus

年３０，下午的時候真是太悶了，相約亞狗同小強去左市中心行街，
太多人啦真係，所以無買到衫褲，不過去左尚書房睇書，原來佢２個都好鐘意睇書，
我其實以前真係麻麻地睇書，不過而家真係上左癮咁，好多書想睇想買，
不過一本 已經令我有排睇。
最後都係買左２本書，呢２本書真係好耐之前已經想睇，一路都無衝動想買，
襯年30消費下啦。
返左屋企訓一陣，再出去同朱哩買衫，真係買到野啦今次，可能真係人少d 易買野d...

今年的新年很不同，可能因哥和姐都不在家掛。

Diane Arbus

Diane Arbus


我真係好想成為第２個Diane Arbus ，佢真係太型啦！
佢所影o既野完完全全就係我想要o既野。

"A photograph is a secret about a secret. The more it tells you the less you know. "Diane Arbus .

“Everybody has that thing where they need to look one way but they come out looking another way and that’s what people observe. you see someone on the street and essentially what you notice about them is the flaw. It’s just extraordinary that we should have been given these peculiarities. And, not content with what we were given, we create a whole other set. Our whole guise is like giving a sign to the world to think of us in a certain way but there’s a point between what you want people to know about you and what you can’t help people knowing about you.

“And that has to do with what I’ve always called the gap between intention and effect. I mean if you scrutinize reality closely enough, if in some way you really, really get to it, it becomes fantastic. You know it really is totally fantastic that we look like this and you sometimes see that very clearly in a photograph. Something is ironic in the world and it has to do with the fact that what you intend never comes out like you intend it.” Diane Arbus

memory

成日都係整理我的資料，主要是我的相片，
檔案內看到07年的自己，08年的自己，09年的自己，
我深深地感受以前的自己想開心多過現在的，不是說現在不快樂，
只是以前太快樂了，無煩惱真係好。

我好想快d 睇曬本"論攝影"呀...

生日快樂呀！

生日天，收到一個Email 後要出去走一走，順道搵書，
一個人去市中心，諗住搵幾本書，最後得一本搵到，仲要訂，
但係意外地搵到另一本覺得吾錯o既書，幾好。

之後慢無目的地o係市鎮公園逛呀逛，聽到對面傳左d 音樂過o黎，
原來迷李音樂會搬左去個到，行左去聽，睇左差吾多半個鐘先走，
其實我覺得好有趣o家，D 亞叔太太搵到佢地o既小天地~

天黑就返屋企，食左少少野就出返去搵單暉佢地。
收到佢地一份好正o既禮物，真係好體貼的禮物！十萬分感謝，
去食Curry，食食下亞狗吾舒服早走，之後我地就去snooker，
篤珠仔真係好好玩，玩完之後就回家。

今年生日係我咁多年來最impress 的，因為好多朋友用不同方法同我講生日快樂，
真係好好呀你地，仲要收到份咁好的禮物，食一餐好食的Curry !

All i can say is thank you !

Happy Birthday to me

19號﹣長洲，

這天是長洲之旅，成員有Cathy，Mike，But，Ho，Him，Hokit，７人成行，
在張保仔洞是整個旅程最最最好玩的，我很期待Him Upload 個幾段片上網，
因為實在太正啦，哈~ 之後就去我次次去長洲都是去的地方看日落，真係好舒服，
我鐘意靜靜地睇日落，辛苦左一日，我地就去左一日甜品店，食心太軟，
其實我麻麻地鐘意食，哈~ 太甜我吾係咁鐘意。
之後我地就搭船返香港啦.

我地去食廟街，個到成為左我地的新浦點，本來見到有一本記事簿好靚，不過我想要黑色，
無買到，但見識到him o既火，真係估吾到，跟住亞lit 都有o黎到一齊食飯，
食食食，完左走人。

我都係鐘意簡單同人少少。

Hokit 呢張真係好正!!!

英文

一路以來都好想學好英文，但次次都係無恆心好好地學，
今次吾同啦，如果有一日我想成功的話，語言係最最重要的，
所以我今次一定要俾心機啦!

The Curious Case of Benjamin Button

好睇到震o既一套電影~
如果我們的成長是倒向的，又會如何?
一出世是一個老人家，到死去時是一個bb ，
看見心愛的慢慢老去，看見自己的兒子和自己一樣年幼，個感覺一定好難過。

另外Elizabeth 的一段亦都好好睇，一日未放棄一日都仲有機會，you never know what's coming for you !
真係值得一睇再睇~

David Fincher director 拍左２套我覺得超好睇o既戲，seven & fight club 。


戲中有幾句對白我覺得很好的。

Benjamin Button: For what it's worth, it's never too late, or in my case too early - to be whoever you want to be. There's no time limit; stop whenever you want. You can change, or stay the same - there are no rules to this thing. We can make the best or the worst of it. I hope you make the best of it. I hope you see things that startle you. I hope you feel things you never felt before. I hope you meet people with a different point of view. I hope you live a life you're proud of. If you find that you're not, I hope you have the strength to start all over again.

What is photography

What is photography?
What is my style?
Think about it.


尋日完成左jason o既shooting，今個week o既shooting 就完成曬，
要搵下人影portfolio la...

網頁好順利。

www.riolam.com

❤ Yuuuuuu says: (2:13:34 AM)
yeah!very nice!!!!!!!!!!!!!jo is appreciate ur shooting work!

I love to hear that !!!

我的網站終於開始啦！原本想我生日先正式面世，不過無所謂啦，
都係差幾日姐，我要靠自己啦，網站放曬我o既心血o家!!
一定要俾心機！(同埋真係幾貴，不過值得! )



We are best friend !

Photo Shooting for Fahion Design student

朝早10點返到去開始shooting ...一路影一路影影到夜晚9點幾，
真係俾亞him 講中，影個時都覺得okay ，但一影完就會有d 吾o岩心水，
可能無咩準備啦，點解個個要用白地呢，搞到要避左好多要影白地o既人，
跟住原來個studio 入邊有咁多識o既人，呢2日不停搵生意，係咁問人要吾要影portfolio，
希望sem 2 可以1星期1個shooting la 。
如果我有個website 之後應該會易搵人影相，個網真係快d 做起啦!

Anyway，今次styling 真係普普通通，不過聽到miss joe同sonia 話我影得幾好，
真係幾開心，sonia 仲話想搵我影夜校d 衫，如果成事就正lor !!
聽日的shooting 一定要影得好勁!


左手邊真係favorite !


影完之後，本來同亞lit sm 肥仔食野，不過黃曾生日，要露一露臉，
所以飛快地返去，單暉真係好柒，紅燈豬哩叫佢開車，佢真係開車，
亞狗原來都無咩改變，一樣係咁多野講，好彩，幾驚佢好似入左邪教咁呀。
小強真係好爆...我搭佢膊頭，佢另轉面想咀埋o黎，仲話大家識左咁耐，吾怕wor...(屌...gman -_-)

黃曾！真係吾好亂作決定呀！


同呢班老死先可以最輕鬆，o係車到大聲講粗口，係咁小單暉，又串下大家，
真係最開心o既時刻！

Hong Kong Fashion week ss09

現實就是要對人微笑，即使他對你很差也要如一。
今日我領教了，雖然對我來說只是很小事，但我們真的很失望。

亞狗

夜晚點幾鐘打o黎，竟然講埋d 咁坦白o既說話，我覺得真係好impressed !
希望你真係真係改變啦！

電影﹣癲佬正傳

劇情簡介

徐先生是一名負責追蹤輔導精神病患的社會工作者，一日他在菜市場安撫持刀的弱智男子狗仔，引起專寫社會問題的專欄女記者的關注，主動要求加入行列以便於收 集資料。二十多年來徐先生不斷追蹤照顧精神病患，改善他們的生活。女記者親眼目睹精神病患者的真實處境，對徐先生充滿了敬意。但一般大眾對精神病患帶有偏 見，令社工的工作更加困難，徐先生連遭挫折，深感力不從心。阿全是少數康復的精神病患者，但前妻不肯讓他探望兒子，令阿全病情加重。女記者善意將精神病患 的處境報道出來，希望能引起更多人關注，不料反惹來阿全鄰居的抗議，阿全受刺激之下，闖入兒子的幼稚園連傷數人，最後被徐sir擊斃。精神病患者狗仔鬧 事，徐先生不慎被刀砍中身亡。女記者強忍悲痛，接替徐先生照顧精神病患者的工作。

source from - wiki


這一幕是我最深刻的。

"其實當有咁多精神病人o係條街到，行o黎行去，做咩吾拉曬佢地?"
"佢地無犯法"
"但佢地可能會發癲斬人wor "
"我地都可能會"

可能我地同精神病人無咩分別，只係佢地比較易被click著，睇完呢套戲之後，
我真係吾知咩叫痴線。
戲中的狗仔，其實只係想有個人陪佢玩，人地做咩佢就跟住人做咩，人地拎刀佢就拎刀，
因為"正常人"的異樣而令佢有異樣，亞松佢係傻，但佢只係想佢個仔健康，可惜用錯左方法。
亞全這一段我覺得真係...無言，係社會迫成佢咁，點解d 鄰居要咁大反應呢(不過換轉係我，
隔離條友日日徒手殺雞，生食雞，我都可能會好似佢地咁)
世事往往係令人無奈。

仲有80年代的電影真係好正，如果而家拍返的話，一定會係３級片！
80's 90's 真係好正!

We are human

尋晚睇到１篇文章是關於ukraine 的3位少年殺人犯，
他們一路拍片一路殺人，原因是just for fun，我看了那段片大約３０秒，
之前又看過10大serial murder，人點解可以做到d 咁o既野，
而吾知為咩?　尋日有一單新聞係一個叔仔掉左個bb女落街，
又係吾知點解...　太多吾知點解啦。

depressed

小山谷

不想多說，沒心情，是因為又要上班吧...

破.立.守

今日一早出去幫lilith shooting，原本諗住去個個地方竟然係"不準內進"
點解會咁...一個咁正o既地方，竟然被禁左，
（原來個個地方，就係因為以前係堆填區有沿氣，所以將個地方禁左使用）
好可惜，但我係最後都有卷入去，無錯，真係卷入去，o係排水道到卷入去，
我真係好勇，入到去個地方真係好正好正好正！好靜好舒服，一個人都無，
不過之後見到有間辦工室o係到，同埋有人聲，驚俾人發現我，最後都係走左，
出到去差不多化完妝，之後就影影影，無咩特別。

返到學校同亞bom 傾下計，之後就見到亞lit，再俾d 相佢crit
又學到一d 新野，破.立.守，真係好特別！
次次都學到新野，係太多野學定係因為我識得太少?

無人可以判斷一張相係靚定吾靚，你覺得係老土，但我覺得係經典，
如果將張相放o係IFC ,放o係paris ，一張老土o既髮廊照片會變成一張Asian art
但當你俾人話老土時，你就要堅持，守住你o既風格，相信自己的感覺，堅持自己的看法！
當你想到一個題材的時候，過半個月後再問一問自己，係咪自己最想做，如果仲係，
Let's force it。
如果吾識得點樣思考，點樣創新，咁讀完呢３年出到去只係一個技術人員，大陸有成千上萬。


我鐘意呢張

睡不著

這幾天都很難睡，是生日將近嗎?
很快就23 歲了，感覺我的時間已經用了很多，但仍然是一時無事，
身邊很多朋友也出身了，而我個心仍然想讀書，仍然未準備投入這個社會。
加上回看上一年，再上一年，再再上一年，時間真的很快很快，３年了差不多，
當時的決定，因為不想做Sales 做死世，所以想讀書，會有比較好的出路，
近來哥搬了出去，也快將結婚了，感覺爸媽也開始年紀大了，突然覺得很奇怪，
記得小時候也有這樣的感覺，當時是１９９７年，很多世界末日的謠言，
我很怕會失去所有野，家人朋友，我會怕得發呆，整天沒有心機，
很希望所有家人返家陪我，現在想當當然覺得好怪，不過是真的。

其實是有點寂寞吧。

尋晚放工去搭車的時候，在路上有一架車，正在吊一些工程用的物資上上空，
我想了想，就直接穿過去，如果那一刻所有物資跌下來，我就會即刻死亡。
所有野都會完結，所有要擔心的事都不再存在，可能是好事。

在H&M 夢遊地工作的一天

我很希望盡力一天可以影一張相。

唉...其實我也是一個很容易放棄的人，但這一年來我改變了很多，
比以前更不想輕易放棄，所以我不想你這位朋友遇到少少挫折就放棄，我講過，
如果我做到的話，我都會去做，所以我仍然會陪你的。

工作時我想了很多，當我做不喜歡的工作，我就明白自己現在要更加努力，
因為如果我不努力的話，將來只可以做這種工作，做一些自己不喜歡的工作。

另外有一件事，我覺得很需要用文字記下來，
今日返工的時候，在路上看到一個乞衣，他令我很想拍下他的樣子，
因為他的樣子真的很恐怖，看到的時候，我真的有一點怕，
他的皮膚有至少有８成燒傷，整個人都沒有正常的皮膚，沒有手的前臂。
當時我很矛盾，因為如果拍下的話一定會很震憾，但他會很可憐，他不會想被拍下。
拍照的時候是需要尊重被攝者的，而且還要想想...我為了什麼而影？

Someone's homework
Jason yao 的photoshooting for V.W
Fashion design student's portfolio

3個project 希望可以順順利利啦...
還有我的www.riolam.com 也要盡快運作！

Working for My Website

今日上了朱哩屋企，develop 我的個人網頁，我的網站layout 大概完成了，
但仍然需要一點時間去製作...
文字的類型真是重要！
我體會了，不同的字型給人不同的感覺，我想我是喜歡日本的無印感覺，
simplification 絕對是我喜歡的風格，我很希望網站的第一頁就令人明白我的風格，
再看我的相片就知道我是一個什麼樣的人，我想。

對自己的網站愈來愈有期望，但看看自己的作品，唉...
不過我知道 "我最好的作品還未出現" 。
尚有很多時間和機會，我還有半年...

電影﹣態度

經超級超級籃球聯賽四季洗禮的台啤籃球隊，永不言敗的態度，輸球後休息室凍結的氣氛、何守正不過生日的祕密、球員間的兄弟情、陳世念最後一秒投進逆轉封王的完美大結局，八十分鐘完整呈現..

source from
http://app.atmovies.com.tw/movie/movie.cfm?action=filmdata&film_id=fatw29701081

這部電影比我想像中好看，真的！
一路以為是一部很悶的電影，想不到是這麼好看的，
太戲劇性了，就好像有了劇本一樣，由失敗到成功，還要最後一秘反敗為勝，
睇完覺得好熱血呀！

態度對我來說是很重要的，我記得有一次友人同我講，有一個女仔會叫同學幫她做功課，
原本對她有好感的我，即時覺得這個人沒有了吸引力了，因為她沒有態度，
對生活要有態度，可能很抽象，但我明白。

如果我能夠做到的，我一定會做，夠盡力吧？　這就是我的態度。
(不過，現在還未夠。)

微笑是短暫的，但沉默卻可以很長

Icy 的第一張照片。


今天和Icy 去了學校溫習，原來假期的圖書館是收１２點...
下次我要留意下！...原來真係教書真係好難，特別係吾識o既科目，
我真係盡左力，數學真係好難。
別人的眼光真係吾重要，重要o既你的朋友點樣睇你！
我就會當你係一個小妹妹，喜歡黃腳立的小妹妹，你應該係開開心心地生活的!



明白了..
微笑一定短暫的，但沉默卻可以長久。

這天的日落

尋晚真係好想去影日落，但做完今個sem 最廢的１份功課已經４點幾..
所以都無做到，但仍然好想影低一張，就咁o係屋企影左一張。

Magic Hour 黑幫有個何里活...
其實我覺得麻麻地，又吾係特別好笑，點解會覺得好睇？
不過有一份我真係覺得幾正，就係富堅第一次見boss 個到，
repeat 又repeat 個場戲，真係吾錯! 另外，遙遙亦十分吾錯=P
今日好悠閒地渡過，夜晚去了打波，無咩特別！

我期待明天！　我今年要講得出做得到，真係要幫人！
聽日要順順利利呀！

其實我真係好想一日一相片

２００９年1月１日﹣Start From Here

08年有開心的有不開心的，
在這年，我要從這裏再開始。

這年來我清楚知道喜歡是沒有用的，大家喜歡大家才可行。
要放低在08年，讓她成為過去吧. 我這一刻最想的是向夢想進發，
生命是很短暫的，如果我再不向前進發，可能永遠都接觸不到。
08年，我清楚知道自己將來想做什麼，我想成為攝影師。
09年的目標已經定了，另外我希望開一個web site , 放我的portfolio，
就好像其他專業攝影師一樣，要發展自己的風格。
還有，今年我真的不想再做Sales ，希望多一點Freelance 做，

其實開一個攝影展是我的夢想